موسوعة سندباد للشعر العربي - قصيده شمس أبجدية

إسم القصيده : شمس أبجدية

يارب ! هذا الطريـق افعـى تفّـح وعتمـة اعشـاب ظلمه وطين وبلل .. وعظـام نـاس امـوات .. حيّـه
الليل غابه ! ونبض انفـاس صـدري فـاس حطـاب يستنبـت النـار .. فاكهـة الشتـا " شمـس ابجـديّـه "
من فيض برد الغبش .. من زرقة الشفـاف .. تنسـاب مـن رجفـة اللـون .. مـن تفاحـة البـرد الشهـيّـه
من سلة الريح .. من غيم الصـدف .. لا بلـل ثيـاب ولــد يـخـون بـوفـا بـنـت بخيانتـهـا وفـيّــه
والشارع .. الصمت نهر اسود من المطاط .. جلبـاب يشـرب صـدى خطـوة العابـر .. ملامـح سرمديّـه
ياموت .. وبيوت حارتنـا علـب سرديـن .. وتـراب تــرى التـعـدي لغـيـر اول قرابيـنـك زريّـــه
الريح تصفر .. وينعق طيـر بـوم .. وتنبـح كـلاب ويضـج صمـت المدينـه .. كلـنـا نــذر المنـيـه
قلت المدينه : تثاوب فـي وهـن .. ونعـاس الابـواب والنـاس مـن غيـر تلقـي بـال .. تلقـي بالتحـيّـه
ابسألـك صاحبـي ! خايـف ومتـردد .. ومـرتـاب كـم مـن سـؤال يمـوت وينـولـد ويـمـوت فـيّـه
هذا الحذر والتوجّس فـي الملامـح مالـه اسبـاب ؟ هـذا الترقـب .. وهـذا الريـب والخـوف المعـيّـه
الصبر طبع الجمل طيّـب ! عرفنـا سـر الاعجـاب هـذا الوفـا فـي الكـلاب الوافيـه .. طبـع وسجيّـه
ابسألك صاحبـي .. واقسـى كمـا يقسـون الاحبـاب وجهك هو القاتـل .. المقتـول .. مـن فيـك الضحيّـه
عمرك مجرد زمن تافه .. غبي .. جـوف الزمـن ذاب من منبـع الليـل .. الـى صبـح المصبّـات القصيّـه
للجوع مخلاب .. من قال ان مـا للجـوع مخـلاب ؟! لافـي الثـرى ضاجعتـك ولا ارضعـتـك الرازقـيّـه
واحلامك اللي تروح اسراب طير .. وتقبـل اسـراب ملـت .. تقاسـمـك اغانـيـك ومواسـمـك البهـيّـه
ياحكمة الطيـش .. ليـش نخلّـد الأسامـي والالقـاب ما يمكن اسم الورد .. اشواك ؟ واسـم الشمـس فيّـه ؟!
لو للغموض المبين .. وللبيان الغامـض .. كتـاب ؟! محـدٍ بقـى لـي عليـه .. ولا بقـى لـحـدٍ علـيّـه
عرفتني كنت انا صاحبك .. واصحابك لـي اصحـاب امــدّ لمصافـحـك يــدّي .. تصافحـنـي يـديّــه
ابسألك عن ملامح وجه طفـل فـي القـرى غـاب ؟ غيّبـت .. الا القـرى .. ياطفـل غابـت فيـك هيّـه ؟
قلت القرى : واجهشت لك في البلاد " رعوش الاعناب"
والمشمـش " المستـوي " واغصـان لـوزه عثّـريّـه
والما تقول بـ" كضايمها " زبرجـد فـي المـدى راب والعشـب .. مجـدول بخيـوط الصبـاحـات النـديّـه
ابسألـك صاحبـي ! غمـض عليهـا جفـن واهـداب يامـا لصبـح القـرى مـن وشوشـات المـا .. هنيّـه